1. შეცვალეთ გარემო
თუ ერთ საღამოს უნდა მოემზადოთ ერთდროულად ორი გამოცდისთვის (ან თათბირისთვის), მოემზადეთ სხვადასხვა ოთახებში. ინფორმაცია, რომელსაც ჩვენ ვიმახსოვრებთ სხვადასხვა გარემოებებში არასოდეს ირევა თავში.

2. ხმამაღლა იყვირეთ
სიტყვები 10%-ით უკეთ დაგამახსოვრდებათ, თუ მათ ხმამაღლა გამოთქვამთ. სულელურად ჟღერს, მაგრამ ფაქტია. თუმცა საჭირო არ არის მთელი სახლი თავდაყირა დააყენოთ, საკმარისია რამოდენიმეჯერ, ხმამაღლა გამოთქვათ ყოველი სიტყვა.

3. იყავით ექსპრესიულები
კიდევ ერთი რჩევა მათ, ვინც რთულ უცხო ენებს სწავლობს: გამოხატეთ ჟესტებით ყველა სიტყვა და ფრაზა, რომლებსაც სწავლობთ. თუ სწავლობთ მაგალითად ზმნა „ხტუნვა“-ს უღლებას - იხტუნავეთ. თუ დიალოგი გაქვთ სასწავლი გაითამაშეთ სცენა. თქვენ ნახავთ, რომ ყველაფერს ძალიან სწრაფად დაიმახსოვრებთ.

4. მოუსმინეთ საკუთარ თავს
გარკვეული ინფორმაციის შესწავლის შემდეგ დიქტოფონში ჩაიწერეთ ყველაფერი. ხოლო როცა დაძინებას დააპირებთ, დაბალ ხმაზე ჩართეთ ეს ჩანაწერი - ეცადეთ მის ფონზე დაიძინოთ. ეს შესანიშნავად მოქმედი მეთოდია იმისათვის, რომ მეხსიერებაში გაიმყაროთ უკვე ნაცნობი, მაგრამ რთულად დასამახსოვრებელი სიტყვები, ტექსტები, მოვლენები და სხვა ინფორმაცია.

5. არ იჯდეთ ერთ ადგილას
ისწავლეთ ლექსი, წაიკითხეთ წიგნები და სხვა საჭირო ინფრომაცია ოთახში სიარულის თანხლებით. საქმე იმაშია, რომ სიარული ააქტიურებს ტვინის მუშაობის პროცესს და თქვენს მიერ რაიმეს დამახსოვრების შესაძლებლობა იზრდება.

6. ამოაგდეთ სიტყვები
ეს სუპერ მეთოდია დიდი მოცულობის შერეული ტექსტის დასამახსოვრებლად. შეეცადეთ გადაწეროთ ტექსტი ისე, რომ ყოველი სიტყვის ნაცვლად მათი პირველი ასო ჩაწეროთ, შემდეგ კი შეეცადოთ გაიხსენოთ სად რა სიტყვაა. რა თქმა უნდა თავიდან სრულ ტექსტში ჩახედვა მოგიწევთ, მაგრამ რეზულტატში თქვენთვის სრულიად საკმარისი იქნება შემოკლებულ ტექსტში ჩახედვა, რომ სრული გაგახსენდეთ. ასე მომზადებული ტესქტის თან ქონა ძალიან გამოაგდებათ.

7. იძინეთ რაც შეიძლება მეტი
რაც უფრო დიდხანს იძინებთ რაიმეს შესწავლის შემდეგ, მით უფრო კარგად გემახსოვრებათ ეს ინფორმაცია დილისთვის. უძილო ღამეები კი საკმაოდ აუარესებს მეხსიერებას. ჩვენ გვინდა, რომ ეს წაიკითხოს ყველა სტუდენტმა და გაითვალისწინონ. უმჯობესია გამოცდამდე რამოდენიმე საათი დაიძინოთ, ვიდრე ღამე გაათენოთ და ეცადოთ რაიმეს სწავლას.

8. დაკავდით სპორტით!
ამ თემაზე ბევრი კვლევა ჩატარდა და ყველამ დაამტკიცა, რომ ვარჯიში ხელს უწყობს ტვინში სისხლის მიმოქცევას და მეხსიერებას აუმჯობესებს. წაივარჯიშეთ ცოტა მანამ, სანამ წიგნებს მიუჯდებით.

წყარო: http://www.b2p.ge/